Huhezinema jaialdiaren momenturik berezienetarikoa heldu da: finalista izango diren film labur eta bideoklipen hautaketa azaleratu da. Iban del Campo jaialdiaren zuzendariak esan duenez, “Luxu bat izan da Euskal Herri osoko txoko guztietatik jasotako filmak eta bideoklipak ikusi eta hautaketa batzordea osatzen duten ikus-entzunezko ikasleekin eztabaidatzea. Eskarmentu handiko egileen lanak eta hasiberrienak ikusteko aukera izan dugu. Emanaldiak egiteko orduan denbora mugatua dugunez, interes handiko lanak ezin izan ditugu aukeratu finalista eta horrek badu frustrazio puntu bat. Baina oso pozik gaude jaialdian erakutsiko dugun sormen eztanda honekin”.
Aurtengo Sail Ofizialari dagokionez, maila oso altua izan da. 10 finalisten artean, gehienbat fikziozko filmak jaso ditugu, baina 10 finalisten artean badaude dokumental eta animaziozko lanak ere. Hauen artean, Goya sarietarako izendapena jaso duen “Txotxongiloa” animaziozko film laburra dago.
Ikasle Sailaren bigarren edizioa ere lehenengoa bezain arrakastatsua izan dela azpimarratu nahi dugu. Ahalegin berezia egin da aurten ere sail hau euskal zinema ikasle guztiei zabaltzeko. Atal hau jaialdiaren lehen 15 edizioetan Mondragon Unibertsitateko ikasleei mugatutakoa izan bada ere, azken bi urteetan beste euskal ikasleen lanak onartu dira eta MUko ikasleen film laburrez gain, Larrotxene (Donostia), Mendizabala (Gasteiz), ECPV (Bilbo), Elias Querejeta zine eskola (Donostia), Centa Eskola, (Donostia) eta EHUko film laburrak jaso ditugu.
FINALISTAK:
- SAIL OFIZIALA:
- NORMAS DE HIGIENE – Amaia San Sebastián
- TXOTXONGILOA – Sonia Estévez
- PRIORIDADES – Tamara Lucarini
- AGUR ARTZAI – Julen Zubiete
- BETIKO GAUA – Eneko Sagardoy
- INFLUENCER – Nerea Torrijos
- XIMINOA – Itziar Leemans
- ARNASA – Raúl Barreras
- DEADLY DRAW – Nitya Lopez
- ENCAJADA – Lle Godoy
- IKASLEEN SAILA:
- BAKARRIK – Oier Markotegi
- IDIAZABAL – Nerea Monzon
- KOSMOSPOLITA – Unax Alcubilla
- LEHEN SAIAKERA — Natalia Berridi, Yurena Carrero eta Marina Perosanz
- HARIAK – Sara Díez, Itsasne Díaz eta Javier Elizalde
- 1500 – Amets Andueza
- ZIRRARA – Ane Cuesta
- BESTE ALDEA – Gizona ez dena – Irati Alvarez, Itziar Juaristi eta Lorea Elorriaga
- NOIZKO BASOA? – Mikele Landa
- MATAMOSCAS – Irene Royo
- AHANTZI – Itoitz Urkiola
- BIDEOKLIPEN SAILA:
- BELE – ZERUA IRABAZI – Nitya Lopez
- APOTHEKE – SIEMPRE SABES CUANDO VOLVER – Beñat Goia
- POSTAL KOLEKZIONISTAK ft. PABLO ZURUTUZA – PLASTIKOZKO HIRIA – Iñigo Asensio, Iñaki Gereñu eta Imanol G. Gurrutxaga
- THAWRA – Zuriñe López de Sabando
- REBEL NOISE – NOR NAIZ NI? – Oihan Loiti
- TXOPET – NIRE HITZEN GEZURRETATIK – Nahia Novo
- EIDER – EZ ESPERO EZER NIGANDIK – Andoni Clavo
- MUNLET – ASTINDU– Ina Iriondo Saint-Gerons
- MELIORA – GALDUTAKO HURA – Unai Lizarza
- ERROMINTXELAK – ESPEROAN – Nitya Lopez
HUHEZINEMA 