HUHEZINEMA 2012ko SARITUAK

Sail Ofiziala

• Euskarazko film labur onena, Goiena saria: EKAITZA (Zuzendaria: Alberto Gastesi)
• Film labur onena: SHE’S LOST CONTROL (Zuzendaria: Haritz Zubillaga)
• Ekoizpen onena, Eiken saria: SHE’S LOST CONTROL (Zuzendaria: Haritz Zubillaga)
• Ikusleak aukeratua, Kutxa saria: ZEINEK GEHIAGO IRAUN (Zuzendaria: Gregorio Muro)

Ikasleen lanen artean

• Film labur onena, epaimahaiaren saria: MASKARAK (Ander Bolibar, Ariane Irazusta, Miren Ormazabal eta Oihan Vitoria)
• Film labur dokumental onena, publikoaren saria: MASKARAK (Ander Bolibar, Ariane Irazusta, Miren Ormazabal eta Oihan Vitoria)
• Fikziozko film labur onena, publikoaren saria: OHARTXOAK (Izaskun Fdz. de Arroyabe, Maitane Serrano, Monika Juaristi, Josu Badiola, Lander Irazola eta Julene Franzesena)
• Kartel lehiaketaren irabazlea: Beñat Flores.

Huhezinema 2012ko esku-programa

MU Telebistak egindako laburpen bideoa

Elkarrizketa Goiena Telebistan

 

Hauek dira Huhezinema 2012ko finalistak. Zorionak finalistei eta milesker guztioi jaialdian parte hartzeagatik. Laster programazioari buruzko xehetasun gehiago.

_________________________________________

Éstos son los finalistas del festival Huhezinema 2012. Felicidades y mil gracias a todos los participantes. En breve, más detalles sobre la programación del festival.

Ekaitza (Alberto Gastesi), Ismalia (Xabier Cereceda-Hoz), Zeinek gehiago iraun (Gregorio Muro), Superzebraman (Javier Urtasun), Istmo (Alberto Gastesi), Dicen (Alauda Ruiz de Azua), Garaipena (Esteban Ramos), No se qué hacer contigo (Miguel Campión), She’s lost control (Haritz Zubillaga), Por los camareros (Javier Etxaniz-Gregorio Muro).

MARTXAN DA HUHEZINEMAREN WEBGUNE BERRIA

Bosgarren Huhezinema gerturatzen ari dela-eta, webgune berria prestatzen egon gara azken hilabetean. Azal berria eman nahi izan diogu Huhezinemari bostgarren edizo honetan. Hori dela-eta, hau izango da aurtengo eta datozen Huhezinema Film Laburren Jaialdiari dagokion webgunea. Hemen aurkituko duzue, besteak beste, aurreko ediziotako informazioa eta aurtengo edizioaren nondik norakoak. Orain arte erabili duguna baino erabilgarriagoa egingo zaizuelakoan, laster arte!!!

_________________________________________________________________________________________

¡¡¡HUHEZINEMAREN KARTEL BERRIA!!!

Aurtengoan bigarren aldiz, kartel lehiaketa antolatu dugu Huhezinemaren irudiaren bila eta jendearen partehartzea bultzatzeko asmoz. 32 kartel jaso ditugu guztira eta Beñat Flores-ek aurkeztutako kartela gailendu da aurtengoan. Beñat, Huheziko Ikus-entzunezko 2. mailako ikasketak egiten ari da orain. Esker mila parte hartu duzuen guztioi eta zorionak Beñat!

____________________________________________________________________________________________

130 LAN JASO DITUGU V. HUHEZINEMAN

Azken orduan iritsitako lau lan tarteko, 130 laburmetrai jaso ditugu aurtengo Huhezineman. Orain hamar finalistak zeintzuk diren jakitea besterik ez da gelditzen sail ofizialari dagokionean. Hori bai, oraindik martxan da Euspot Euskarazko Spot Lehiaketa. Apirilaren 11a, asteazkena, izango da lanak bidaltzeko azken eguna. Animatu eta hartu parte!

__________________________________________________________________________________________

HASI GARA LANAK JASOTZEN

Huhezinema film laburren aurreko lau edizioetan ez bezala, aurtengoan lanen bidalketarako berritasun bat gehitu dugu, Movibeta plataforma. Tresna berritzaile hau erabiliz ohiko bidalketako tramiteak aurreztuko dira eta ordenagailutik  lanak bidaltzeko aukera izango da, euro gutxi batzuen trukean. Gainera, ez dezagun ahaztu on-line aukera hau erabilita gure boltsikoak zein gure ingurumenak eskertuko digutela, ohiko bidalketaren paper, DVD  eta bestelakoak aurreztuaz. Hala ere, ohiko posta bidalketa sistema ere erabilgarri dago aukera hau nahiago duenarentzat. Bidalketako zehaztasunak ezagutzeko irakurri gure oinarriak.

Gogora dezagun bidalketa epea urtarrilaren 11an ireki zela eta dagoeneko 30 film labur jaso ditugula, horietako 27 Movibeta plataforma bitartez. Lanak bidaltzeko epea martxoaren 23an amaituko da. Ez utzi azken egunerako eta animatu zure lanak bidaltzera!

__________________________________________________________________________________________

KARTEL LEHIAKETA

Gero eta gertuago da Huhezinema Euskal Film Laburren Jaialdia eta horren harira, iaz egin genuen moduan, jaialdia iragarriko duen kartela aukeratzeko lehiaketa antolatu dugu. Lehiaketan parte hartu ahal izateko gure webgunean dauden oinarriak kontsultatu.

Gogoratu martxoaren 21a izango dela lanak aurkezteko azken eguna, eta lan horiek huhezinema@mondragon.edu helbidera bidali beharko direla.

__________________________________________________________________________________________

BADATOR V. HUHEZINEMA JAIALDIA!

Krisiak txoko guztietan jo ditu ateak, baita gurean ere. Kulturgintza gogor astindu du eta, beraz, zinemagintza ere bai. Hala eta guztiz, badator Huhezinema euskal film laburren jaialdiaren bosgarren edizioa. Badator Mondragon Unibertsitateko Huhezi fakultatean antolatzen dugun euskal film laburren jaialdia. Aurtengo jaialdia maiatzaren 8tik 10era egingo da. Prestaketan murgilduta gaude Huhezinemako lan taldea, eta datozen hilabeteetan izango duzue gure berri hemen eta sare sozialetan. Bitartean lehiaketa ofizialean parte hartzeko oinarriak eskura dituzue webgune honetan. Gogoratu, martxoaren 23a dela film laburrak bidaltzeko azken eguna.

Aurtengo edizioan berrikuntza ugari izango ditu Huhezinemak. Horien artean nabarmenena izango da Euspot Euskarazko Spot Lehiaketaren sorkuntza. MUrekin batera, Aretxabaletako Udalak eta Arteman Komunikazioa kooperatibak bultzatu dute Euspoten lehenengo edizioa. Bi lehiaketen artean 6.000 euro baino gehiago banatuko dituzte saritan.